Page 63 - FDLP
P. 63
Den cabez di promer inning Super Plus ta anota 2 careda poniendo precion mesora riba e
equipo di Royal Power. Royal Power usando su experencia a keda trankil y ta rally den
promer inning cu 5 careda pa tuma e bentaha. Den di 2 inning Royal Power ta amplia cu
8 careda mas y ta bolbe anota uno den di 3 inning.
Finalmente Royal Power ta knock out Super Plus. Royal Power 14 careda, 15 hit, 0 error.
Super Plus 3 careda, 7 hit, 2 error. Alvaro Barrios ta pone e Victoria riba su nomber
mientras Genaro Girigorie kende ta ricibi relevo di Poy Flanegin den di 4 entrada ta bay
cas cu e derota. Mohor bateadornan pa Royal Power ta Gregory “Pilin” Krosendijk 4-2,
Jomark Flanegin 3-2 incluyendo un cuadrangular den deep left, Kelvin Silvania, Kenny
Hart ambos di 3-2. Jeandrick Croes cu 16 aña ta debuta den Royal Power hungando su
promer Copa Noord ta bay di 3-2.
Pierre Richardson Junior 2-2, Jorge Wouters di 2-1. Pa Super Plus a destaca na plato den
causa perdi Samir Webb y Hose Gomez di 3-2, Francel Bernardus, Emir Escobar ambos
di 2-1. Diasabra awor 18 di mei 830pmRoyal Power lo mira acion den Copa Noord vs
Bad Boys na veld di Kudawecha.
https://24ora.com/royal-power-tat-fat-home-depot-ta-derota-super-plus-14-3-den-copa-noord-fin-di-
siman/
