Page 13 - KUSTWACHT

Awe Minister Arthur Dowers ta inaugura edificio nobo pa
Guarda nos Costa

Tuesday, 07 February 2017 20:42
Comparti

Awe diaranson, Minister mr. Drs. Arthur Dowers lo inaugura e facilidad nobo caminda e personal di
Guarda nos Costa lo bay eherce nan trabou diario.
E departamento aki cu na su comienso no tabatin un edificio propio y/of adecuado pa nan por a haci nan
trabou debido, awor tin nan propio facilidad moderno y esun di mas miho den region, segun expertonan
di internacional, den e ramo di derechonan humano.
Prome cu e edificio aki, e personal di Guarda nos Costa tabata opera desde e ex prizon na Dakota,
despues cu Minister Dowers a keda masha preocupa pa e forma con Gobierno anterior a atende cu dicho
departamento. E reto di mas grandi tabata semper fondo monetario y e motibo di esaki tabata netamente
cu Gobierno di AVP a hereda un situacion den cual mayoria departamento tabata den decadencia. E
Minister a traha riba un lista di prioridad y segun cu tabata por, cada departamento cu ta resorta bou di
su cartera, a ricibi nan debido atencion.
Pesey ta cu masha placer y cu un sentido enorme di orguyo cu awor ta toca turno na e sector di
stranheria. Awe nan lo ricibi for di Minister Arthur Dowers un hoya di edificio cu tin no unicamente e
miho infrastructura den region, pero cu tambe ta conta cu aspectonan di siguridad halto pa e
trahadonan, como tambe pa e detenidonan. E edificio nobo di Guarda nos Costa ta situa net banda di
kazerne di Brandweer cerca di nos Aeropuerto na Sabana Berde.