Page 12 - WEB
P. 12
Ta Sostene E Plan Di Remediacion Di Dump
Parkietenbos Y Eventual Cobransa – ATIA Ta
Reconoce Aporte Di Comercio Pa Mihor Maneho Di
Desperdicio
Local
- 24/08/2018
Diahuebs ultimo, Minister di Desaroyo Teritorial, Infrastructura y Medio Ambiente,
Otmar Oduber tabatin un encuentro cu Directiva di ATIA pa locual ta trata e tema ‘Waste
Management’ Maneho di Desperdicio.
Segun e mandatario e reunion aki a bay sumamente bon, unda cu por a informa ATIA di
e ultimo desaroyonan cu ta tumando lugar cu Parkietenbos.
Un di e ultimo desaroyonan ta cu n’e momentonan aki, un averahe di 5 mil ton di sushi
ya no ta bayendo Parkientenbos mas.
E decision ta, cu Gobierno kier busca un incinerator pa cuminsa cu e proceso pa remedia
Parkietenbos, baha e nivel di e sero di sushi y den futuro haci’e un lugar atractivo.
“Nos ta agradecido na cada partner cu a duna di nan parti pa awe nos por cuminsa cu e
proceso di RFP (Request for Proposal). Alabes, e ta algo sumamente positivo pa scucha
di parti ATIA, cu comercio tambe mester aporta n’e problematica aki di sushi y lo no tin
problema si mañan mester cuminsa cobra pa recoge sushi”, Minister Otmar Oduber a
bisa.
