Page 7 - SOLO DI PUEBLO

Diahuebs 30 Maart 2017 Pagina 7

E diferencia entre Lainda y Paul…

Lainda a wordo baha sin tin un investigacion

penal mientras Paul keto bay tey

Partido AVP ta midi cu dos midi!!

SOLO DI PUEBLO a ricibi varios yamada cu ta haci un
comparacion riba e forma di proceder di Partido AVP.
Den pasado tabata tin algun alegacion riba Lainda
Westerhof, ex- parlamentario di AVP, cu tabata envolvi
den un presunto labamento di placa.

Den un frega di wowo, a manda yama Lainda y bao
presion a impone riba dje cu e mester entrega su retiro di
parlamento. E momento ey Ministerio Publico no tabata
tin ningun investigacion penal contra su persona. No ta
deskita cu nan por tabata tin’e na bista, pero cual no a
desemboca den un investigacion penal.

Awor e caso di Paul ta uno cu si a desenboca den un
investigacion penal. Apesar di esaki, Partido AVP a
drenta silencio y no a fiha posicion.
Te cu awe Paul Croes, sospechoso di corupcion, keto
bay ta Minister di Asuntonan Social, Labor y di Hubentud.
Ta cu cuanto midi ta midi anto? Dicon Lainda si a wordo
baha rapidamente y Paul ta haci awe 48 ora cu keto bay
ta minister y sospechoso di corupcion?

Homber a topa cu dos

homber drumi riba trapi

di su apartment

Central a dirigi patruya pa Papaya pa atende un persona cu
tabata drumi den cura di un cas.

Na e sitio a papia cu e homber R., kende a declara cu tabata
tin dos homber drumi riba e trapi dilanti su apartamento.
R. a indica cu e hombernan tabata parce bao di influencia,
pero ya nan a bandona e sitio.

Polis a haci un control den vecindario di Papaya y Nuñe,
pero sin resultado satisfactorio. Central a wordo poni na
altura.