Page 20 - FDLP

Hugo ta logra den su hisadanan den snatch 68kg, clean & jerk 81kg pa un total di 149kg.
cu e resultado aki Hugo ta logra termina na di dos lugar ta gana dos medaya di Plata y un
medaya di Brons pa Aruba.

Prome lugar a bay pa Frank Pinneiro di Estados Unidos cu un total di 187kg y Medaya di
Brons a bay pa Hector Mota di Santo Domingo cu 148kg total.

Diasabra a toca turno pa Walter Llerena kende a competi den categoria di 89kg tabatin
total di 31 atleta den su grupo di edad 45 pa 49 y den su categoria 7 atleta.

Walter Llerena ta logra den su hisadanan den snatch 121kg, clean & jerk 151kg pa un
total di 272kg. cu e total aki Walter ta termina na di prome lugar y ta gana tres medaya di
Oro pa pais Ecuador.

Cu e hisadanan aki Walter ta logra kibra tres record Panamericano y un record Mundial.
Na di dos lugar a bay pa Thomas Seniur di Canada cu 253kg total y tercer lugar a bay pa
Pablo Asuaga di Uruquay cu 223kg total

Diadomingo mainta a toca turno pa nos atleta femenino Jennifer Piter kende a competi pa
prome biaha den un Pan American Masters Weightlifting Championships. Jennifer den
categoria di 59kg den grupo di edad 35 pa 39 tabatin un total di 50 atleta y den su
categoria 8 atleta.

Jennifer ta logra den su hisada den snatch 68kg, clean & jerk 87kg pa un total di 155kg
cu e total aki Jennifer ta sali na di dos lugar ta gana dos medaya di Plata y 1 medaya di
Brons pa Aruba.

Prome lugar a bay pa Jennifer Butler di Estados Unidos cu 177kg total y tercer lugar a
bay pa Whitney Nelsen di Canada cu 146kg total.

Por ultimo nos ta haña Americo Thijzen kende tambe ta participa den un magno evento
asina. Den su grupo di edad 35 pa 39 tabata tin 35 atleta y den categoria di Americo
tabatin 10 atleta. Americo den su hisadanan ta logra den snatch 94kg, clean & jerk 115kg
pa un total di 209kg. cu e total aki Americo ta termina na di 8 lugar.