Page 32 - FDLP

ORANJESTAD (AAN)- Directiva di S.V Bubali

kier informa Aruba completo di un projecto cu directiva ta bai start dentro di poco. E
projecto ta hiba e nomber di: Bubali Movecion ta Bida pa 60 plussers.

Pa un paar di luna caba directiva ta sondiando e posibilidad pa lanta un actividad pa e

60 plussers nan den bario, districto di Noord y Aruba completo. Na final di luna di april
a sinta cu Sr. Rudy Leysner y a sondia posiblidad. Sr. Rudy Leysner ta fundador di
Fundacion Movemiento ta Bida.

Fundacion Movemiento ta Bida tin un paar di aña caba ta andando den e districtonan di
Aruba. Consentrando den personan 60 plussers y logicamente e actividad nan ta tuma
lugar parti mainta na e centro of club den e bario. Nan ta convensi cu e momento a
yega pa por start e bunita projecto aki Movecion ta Bida.

Diadomingo awor 9 Juni directiva ta organisa un mainta di informacion na Bubali Sport
Club.

Porta nan di club ta habri 9:00am y actividad ta start 10:00am – 12:00pm.

Persona nan cu ta hiba palabra ta dirigente nan di S.V. Bubali S.C. y Sr. Rudy Leysner
representante di Movecion ta Bida, personan cu bin e mainta di informacion por tin idea

con e concepto di actividad ta hinca den otro.

Den mes un rosea nos ta buscando 3 pa 4 persona pa por bira e stuurgroup di e bunita
projecto aki. Despues di e mainta di informacion tin algo pa refresca (happjes en

drinken) tambe nos por sigui entercambia di idea.