Page 3 - ARUBA BANK
P. 3
tin un color nobo pa 2019. Esey kiermen cu mester tin e plachi 2019 y e color conforme
ley.
No por coy e plachi number di 2009 cu tabata tin e mesun color, pone pa 2019. Si encaso,
despues di januari, na momento di entrega di plachinan nobo di number, Cuerpo Policial
durante control por actua, den caso cu e plachi number no ta esun corecto. Por bay asina
leu di wordo kita for di e chauffeur. E ta cay bou di e mesun categoria di core auto sin
seguro, sin rijbewijs of bou influencia di alcohol.
Pa loke ta e stickernan di number di auto, Sr. Pieters a confirma cu esaki ta contra di ley.
Si den caso cu e plachi di number no ta cla ainda, nan ta haya un permit di DIMP pa pone
un carton, pero nan mester tin un permiso di DIMP. Sin e permiso esaki ta contra di ley.
Sr. Pieters a sigui bisa cu Cuerpo Policial ta tolera e stickernan pa tur esten cu e plachinan
ta cla. Pero no ta asina cu ta keda core henter aña cu e sticker. E chauffuer ta obliga di
pone e number di auto ariba e auto. Ponemento di plachi di number riba dashboard ta
contra ley. Un chauffeur cu haya ontheffing di parti di DIMP, ora di control e lo mester
mustra esaki. Si e tempo pasa y e chauffeur no a busca e plachi di number, e ta haya un
procesverbaal. Te asina leu, Sr. Alex Pieters di Departamento Motorisa di Cuerpo
Policial.
https://masnoticia.com/uzo-di-plachinan-di-number-bieu-den-2019-ta-
castigabel-pa-ley/
