Page 80 - AVP

Na momento cu tur atencion ta dirigi riba solucionnan cu mester bini riba mesa, pa AVP
wega politico tabata importante atrobe y a tene un rueda di prensa extraordinario pa
papia riba e hecho cu gobierno di Aruba a haci uzo di su derecho pa no ratifica e
acuerdo cu el a alcansa cu Hulanda y cu Parlamento a cambia.

E pregunta ta cu ki cara miembronan di Parlamento di AVP, cu pueblo durante dos
eleccion a duna mayoria den Parlamento, ta papia di crisis constitucional.

Nan a permiti pa gobierno Mike Eman bira un crisis nacional. Rapportnan di Algemene
Rekenkamer Aruba ta condena e forma cu e miembronan di fraccion di AVP den Staten
a duna sosten ciego na gobierno Eman.

Miembronan di AVP den Parlamento a laga Mike Eman haci y deshaci manera e tabata
kier. Den e rapport di Algemene Rekenkamer Aruba claramente prueba ta wordo duna
con miembronan di Parlamento di AVP a permiti Mike Eman crea e debe nacional,
introduci Citgo, ehecuta e rapport Bo Aruba den cual tabata tin 1.6 Biyon Florin di

Aruba na peliger.

Cu cual cara e miembronan di fraccion di AVP por bolbe sinta manera un klas di mucha
rond di nan lider Mike Eman, cu no tin ningun funcion publico pero ta dirigi nan cu tin

funcion publico.

E berguensa mas grandi di democracia di Aruba tabata e momento cu gobierno Mike
Eman a pone Parlamento bou curatela pa asina e pasa e acuerdo cu Citgo cu a bira e

horca di Aruba y awe tin e pais economicamente na suela.

Ta tristo cu na momento cu Aruba ta busca un solucion, na momentonan cu
Arubianonan cu curason y alma Arubano ta core pa nan pais, AVP ta mira solamente e

oportunidad pa haci politica barata cu a hundi Aruba.

Loke ta pasa awe cu Aruba pa semper lo carga nomber di AVP, cu a permiti dictadura
di gobierno Eman den Parlamento di Aruba.

Un dia generacionnan nobo lo lanta para y culpa miembronan di AVP cu, manera e
potret aki ta mustra, a permiti Mike Eman pone nan bou curatela y practica dictadura