Page 90 - SJA JAN 31

Construyendo Progreso Minister Paul Croes: Despues di hopi
esfuerso y perseverancia ta logra acuerdo Aura Casino

Monday, 30 January 2017 19:31
Comparti

Minister Paul Croes ta sumamente contento cu a logra yega na un solucion den e asunto di Aura Casino.

"26 trahador lo sigui cu nan empleo. 15 a firma un acuerdo pa recibi 4 luna di pago atrasa for di e
operador nobo. Pero sigur nos a logra scapa 26 cupo di trabou dor di hopi empeño", minister Paul Croes
a mustra. Despues di un aña di reunionan intensivo y continuo a logra yega na un acuerdo pa asina
salbaguardia 26 trahador nan entrada y trabou y 15 mas recibi un pago tambe. Como cu e espacio di e
casino a wordo reduci cu mas di 50% locual a hasi imposibel pa acomoda tur 44 trahador. Minister Paul
Croes su rol den henter e proceso aki tabata hopi importante. "Mi kier gradici enormemente e operador
nobo, tambe gerencia di Barcelo kendenan a apoya e negosacionan den diferente forma. Tambe mi kier
gradici Anselmo Pontilius mediador kende a yuda den henter e proceso", minister Croes a declara.
Minister tambe a menciona cu FTA tambe tabatin un rol importante den e negosacionan aki. Finalmente
a logra scapa 26 cupo di trabou di e trahadornan. Di e 18 otronan cu no a sigui den servicio 15 a firma pa
haya un pakete. Banda di e suma aki Gobierno a reuni tambe cu SVB durante 2016 pa asina e
trahadornan por recibi e pago di cesantia pa nan añanan di servicio. Minister Paul Croes a mustra cu e ta
sumamente contento di por a aporta y bringa pa e derecho di e trahadornan den e caso di ex Aura Casino.
E casino nobo lo opera bou di e nomber di LIV casino.