Page 30 - FDLP

A.S.B. ta anucia Campeonato Internacional

Femenino di CONSURSA lo inicia diasabra

awor cu un total di 8 Pais

11 HORA PASA , 21 DI OCTOBER 2018 10:26
SECCION: DEPORTE

Aruba Softball Bond ta anucia

Campeonato Internacional Femenino di CONSURSA lo inicia diasabra awor cu un total di 8
Pais
Aruba Softball Bond hunto cu su comision organisador tatrahando hopi duro pa por tin tur cos
kla pa asina por ranca sali cu e Campeonato di CONSURSA. CONSURSA ta e Confederacion

Suramericano afilia na WBSC esta World Baseball and Softball Confederation. Pa promer biaha
den historia di Softball Aruba ta e pais “cede” di un magno evento competitivo asina. Paisnan cu
lo ta na Aruba ta entre otro Brasil, Argentina, Peru, Colombia, Venezuela, Curacao pa nombra
algun. Lo ta un honor pa mira nos atletanan femenino bataya contra e mihornan di henter Sur
America. Atletanan di Aruba tin mas di 4 luna den un preparacion intensivo y ta di spera cu nan

lo competi riba e mihor nivel. Coaching Staff Rayborn Didder, Carmelita Haynes, Director
Technico Estefano Croes y Bond Coach Luis Pire ta entre esnan cu a percupa pa nan
preparacion intensivo unda desde September nan ta riba un programa di 5 ves pa siman. Aruba
den su totalidad ta keda cordialmente invita pa e gran apertura diasabra 27 di October pa 5 pm
na veld di Dragon Hitters na Barcadera unda Aruba lo topa Pero net despues di e apertura.

Keda pendiente pa e schedule di tur weganan cual lo wordo publica durante siman aki.

http://www.awe24.com/20181021/33417/ASB_ta_anucia_Campeonato_Intern
acional_Femenino_di_CONSURSA_lo_inicia