Page 32 - FDLP

Brazil Taekwondo Stichting A Ricibi Zahyon Y Jourde

Klaber, Kendenan A Bay Un Gira Na Europa

 Deporte

 Featured
- 21/08/2018

Bou guia di e ex-campeon mundial y sigur un ayudante grandi pa taekwondo di Aruba,
sr. Henk Meyer e dos rumanan Zahyon y Jourde Klaber miembro di Brazil Taekwondo
Stichting a bishita 6 pais na Europa unda nan a atende diferente campo di entrenamento y
mas cu claro competencianan di nivel halto na Inglatera. .
P’e dos atletanan sin duda esaki tabata un experencia super grandi unda nan a siña masha
hopi mes durante e 6 simannan cu nan a permanece na Europa. Paisnan bishita tabata
Inglatera, Austria, Hulanda, Spaña, Belgica y Alemania.

Lotto, e loteria di Aruba semper cumpliendo cu nos atletanan ta un partner di e deporte di
taekwondo tambe y ta masha orguyoso di por cumpli un bes mas cu e soño di nos
atletanan.
“Awe ta un otro ehempel con Lotto pa Deporte tey pa deporte, tin e deporte na curazon,
principalmente e deporte di taekwondo.
Un bes mas nos por mira cu dos atleta di Brazil Taekwondo a bay hiba un preparacion
debido den exterior p’asina nan por ta mas mihor prepara p’e G1 Open Taekwondo
Championship di Costa Rica cu lo tuma lugar fin di augustus benidero.
Pa varios aña e deporte di taekwondo di Aruba ta presta den bon forma
internacionalmente. Esaki ta danki n’e trabou duro cu e federacion y su presidente dr.
Guaicaipuro Jimenez a bin ta haci.
E deporte di taekwondo ta uno di disciplina y respet cual ta dos aspecto masha importante
p’e bon formacion di nos muchanan.