Page 73 - AHATA

Directora di A.E.F., Sra. Esther Broeksema a hiba palabra di felicitacion na un y tur cu a

participa na e curso. Adicionalmente a gradici e equipo di F.M.A. pa e colaboracion

continuo y estrecho cu e dos organisacion nan tin cu otro. F.M.A. ta un partner

importante pa A.E.F. y e team di A.C.P. semper por acudi na e diferente museonan pa

haya mas informacion di datos historico como tambe ‘fact check’ e datos nan cu tin den e

materiaal di A.C.P. pa asina percura cu tur informacion keda ‘up to date’.

Otro companianan cu tambe a ricbi plakaat di reconocimento e aña aki na Juni ta,

Caribbean Palm Village, La Cabana Beach Resort & Casino, Action Tours, Kinikini

Tours, First Class Experience, Cosecha y Tradewinds. Cada organisacion tabata tin como

meta pa nan empleadonan por comparti informacion corecto y consistente cu nos

bishitantenan, manteniendo e servicio excelente riba un nivel halto y cu Zjeito!

Aruba Excellence Foundation a wordo institui door di Aruba Tourism Authority na Juni

2018 y ta e fundacion encarga pa entre otro ehecuta e Aruba Certification Program

(A.C.P.) como tambe e programa di Happy Information Officers (H.I.O.). Meta principal

di e fundacion ta pa sigi desaroya y implementa A.C.P. y H.I.O. como tambe otro

programanan specialmente diseña pa certifica personanan cu ta traha den sector di

servicio y hospitalidad p’asina percura cu e nivel di servicio excelente di Aruba ya bon
conoci, por keda riba un nivel halto.

https://24ora.com/fundacion-museo-arubano-ta-aruba-certified/