Page 83 - MIN JUS

Na Aruba tin 695 cliente cu ta cumpli cu e rekisito aki of mas . Vehiculonan di
motor di 30 aña of mas bieu, tambe tin cambionan. Vehiculonan di motor of
motorcycle di 30 aña of mas bieu, nan ta bin na remarca pa paga mita di e

belasting cu nan ta suppose di paga. Si e cliente tin un auto di 30 aña of mas
bieu, normal tabata paga 300 florin pa aña, awo ta paga 150 florin. E sistema

ainda no ta cla pa e descuento di 50%. Ta cobra e grupo aki mita aña y ta duna
e sticker cora cu ta mita aña. Ora keda cla ta avisa e hendenan aki pa asina nan

haya e sticker blauw pa full aña. Esunnan cu tin auto clasico y a paga full aña lo
haya e placa bek. Aworaki SIAD ta den proceso pa haci cambionan den nan

sistema.

Vrijstelling pa bicicletanan cu motor

E motociclistanan lo haya plachi number nobo pa 2017. E plachi ta geel cu cifra
preto. E tarifa di e impuesto no tabata tin cambio den e tarifa. E tarifa a keda

mesun cos segun Sra. Meverly Romano. Loke a cambia ta e color di e
stickernan. Sra. Romano a splica cu e stickernan pa 2017 ta blauw cu cora. Pa

loke ta e tarifa, esaki a keda mesun cos. El a keda 300 florin pa aña. Loke a
cambia, manera indica, ta e colornan di sticker. A keda introduci un otro
vrijstelling den e Ley y ta pa e bicicleta cu motor chikito. E bicicletanan aki

mester a wordo registra como Motorrijtuig. Pero den practica, nan no tin
velocidad halto. E ley ta duna dispensacion pa e bicicletanan aki unda berdad

nan por bay dilanti cu e motor pero menos cu 35 KM pa ora. Un dispensacion pa
e bicicletanan a wordo introduci y no ta paga belasting pa esaki.

Sin papel di seguro no por paga number
Pa loke ta e pagamento, SIAD ta den un periodo hopi druk. Nan tin 74 mil

number di auto a wordo introduci. Sra. Meverly Romano di Departamento di
Impuesto durante e conferencia a splica cu ora di haci pago ta importante pa
trece registracion di e auto y papel di seguro. Tin posibilidad di paga e belasting

na Camacuri mes, of na un di Hulpbestuurskantoornan. Si e seguro no ta na
ordo no ta laga hende paga number di auto segun Meverly Romano.

Polis ta keda cu autoridad pa controla