Page 103 - MIN VOS

RCA "Big Wheel Lottery powered by Powerade" ta habri play-
off vs Nacional

Monday, 08 May 2017 16:41
Comparti

Soldatnan Tricolor lo ranca sali diasabra pa 8or di anochi den Centro Deportivo Guillermo Prospero
Trinidad vs Nacional. RCA cu a termina campeonato regular na promer lugar, tawatin un anja cu hopi
reto. Apesar cu varios hungadornan estelar a retira y otronan a bai continua nan estudio den exterior, e
hobennan tricolor a sa di saca cara na momentonan crucial y gana weganan importante.

E staf a conoce un otro lider den persona di Juan Valdez, pero e coachnan cu pa anjas nan largo a duna
RCA hopi exito no a djies hala un banda. Joy Rosa, Veron Albertsz y Glen Sambo ta contribuyendo
engrande na e ekipo. Sin lubida Icho Matos y Danny Kelly. Direktiva kier invita un y tur di San Nicolas te
West punt pa hunto jega stadion y apoya nos ekipo cu tin un solo meta; retene e titulo gana na 2015 y
2016. Pa bo shirt/drifit Tricolor of esun Corra tuma contacto cu Yazmira via app na 6620202. Tambe
direktiva ta invita e fanaticada completo pa asisti y apoya tur nos otro divishonnan den playoff, dames,
junioren, U17, U15, U13 y secshon infantil completo. RCA un Famia cu un Meta!!!