Page 45 - FDLP

Esaki ta wordo teni riba diasabra 27 October 2108. Den e campionato nacional aki lo
tin participacion di un cantidad grandi di atletanan masculino y femenino.

E campeonato aki ta bai tuma lugar den Compleho Deportivo Frans Figaroa na Noord.

Pisamento di atletanan ta 9:00am. Competencia ta cuminsa pa 11:00am y ta termina
17:00 di atardi.

E campeonato Nacional aki ta wordo dedica na Sr. Isnardo Faro mihor conoci como

Chonai cu ta tata di Junior Faro cu a representa país Aruba den dos Weganan Olimpico.

Isnardo Faro a traha como voluntario pa mas di 26 aña den e deporte di weightlifting.

Den e campeonato Nacional aki ta pa saca un selección pa bai representa Aruba den e
campeonato Suramericano SUB15, SUB17 y SUB20, Copa Internacional Dr.Tamas Ajan
cu ta un competencia clasificatorio pa Weganan Olimpico Tokio 2020.

Ta bai wordo hisa den categoría di hubenil, Junior, senior. Nos por spera sigur un bunita
competencia jen di ambiente deportivo unda sigur varios di e atletanan lo sali demostra
nan talento den e disciplina di snatch y clean and jerk. Tambe ta bai tey un atleta for di
Argentina cu ta hisa como invitado e ta campion di Argentina den categoría di 94kg.

Aruba Amateur Weightlifting Association ta pidi tur Voluntarionan, scorer, refereenan pa
ta na tempo pa asina nos por cuminsa na ora.

Aruba Amateur Weightlifting Association kier a invita tur fanatico di hisamento di peso
pa bin apoya nos atletanan den e campionato nacional di hisamento di peso cu ta tuma
lugar den Compleho Deportivo Frans Figaroa na Noord.

Entrada ta gratis pa grandi y chiquito.

https://www.diario.aw/2018/10/campionato-nacional-di-hisamento-di-peso-
dedica-na-isnardo-faro/