Page 7 - WEB

kende tabatin e siguiente update riba e sitaucion aki. “Di e proefboring cu a
tuma lugar na Juni aña pasa 2018 na e pos “Bon Bini”, no a haya nada. Na
october 2018, despues di e resultado negativo aki, Total a retira for di e
consorsio cu Repsol y Repsol a keda pa 100% como e unico cu ta carga tur e
riesgonan. Repsol a base di esaki a haci un peticion pa duna nan un extension di
6 luna pa evalua tur resultado y gobierno a duna e extension di e fase aki te
December 2019. E ultimo perforacion a termina na Juni 2019. Durante e
periodo di extension aki te December Repsol lo sigui studia e resultadonan
geologico y tecnico di e proefboring pa evalua e potencial petrolero di e area
offshore na e parti Noord di Aruba. E resultado final di esaki nos lo ricibi na
December 2019. Den luna di October lo tin un anual meeting na Merca pa hasi
un tussentijdse evaluatie y e ora loke sali di esaki Gobierno di Aruba lo tende e
ora y asina wak e siguiente paso a tuma”. Esaki ta declaracion di Minister
President Evelyn Wever-Croes tocante e situacion cu e boramento pa gas cu
partido AVP a broma cune durante su periodo na mando y nan mes a baha na
awa bai cas sin duna pueblo di Aruba noticia di kico a wordo haya ya cu ta
conoci cu e tabata simplemente un “smoke screen” pa kita atencion, e tempo ey
for di e problemanan cu e partido tabatin den su seno.

https://masnoticia.com/december-2019-lo-duna-resultado-final-di-kico-a-haya-y-no-a-haya-na-gas-den-
nos-awanan-teritorial/