Page 39 - MIN ECEM

Smart Community na Kibaima a yega na e punto mas halto y
final di 2017 e ta cla

Monday, 22 May 2017 22:23
Comparti

Na Kibaima tabata tin un encuentro camminda cu celebra e punto mas halto di e prome proyecto di Smart
Community Aruba. Edwin Tromp cu ta director tecnico di FCCA a hiba palabra.
El a splica cu desde 2011 e proyecto di Smart Community a cuminsa. Gobierno y FCCA kier a inicia cu un proyecto
sostenible. E mester a bira un Living Lab. E ta un idea di gobierno y FCCA a brasa e proyecto aki. Despues di
procedura largo na 2014 a logra firma cu e prome partnernan di e casnan. Lo traha 20 cas total. Hopi di e casnan
ta dirigi riba e parti sostenible. E trabaounan ta on schedule. Ta premira cu lo caba cu e proyecto aki na final di
2017.
Minister Mike de Meza a splica cu ta un dia importante y mester sinti nos mes orguyoso pasobra lo tin un parke
cu e tecnologia mas moderno den dje. E tecnologia lo wordo hinca cu e tecnologianan proba rond mundo.Tin
diferente cos. E ta importante pasobra rond mundo tin tecnologia cu ta riba Mercado.

Prome Minister Mike Eman a bin cu e idea pa un proyecto manera e Smart Community. E vision grandi cu tin a
traha pa pone esaki den un escala mas chikito. A yama tur e partnernan trece nan hunto. A busca tur e
companianan cu ta forma parti di e proceso pa traha hunto den un comunidad chikito. A pone tur hende hunto pa
pone e sociedad completo pa cana e proceso pa e soño mas grandi. Prome ministr Mike Eman a felicita tur e
companianan di utilidad pero tambe a gradici FCCA cu a traha e proyecto.Ta basta areglo nan a yega cune pa logra
e proceso aki. E pasonan cu nan a tuma segun prome minister ta pa loga tambe Aruba bira sostenible pa 2020. Tin
mas partner cu ta wordo atrae pa e tecnologianan aki. Den e caso aki TNO ta hunga un rol pasobra nos ta exporta
e conocimento for di Aruba cu tipo di proyectonan asina. E vision a bira realidad pasobra tempo a trece TNO
Aruba a cuminsa cu un director y awor tin 20 experto envolvi. E contratistanan ta haciendo un tremendo trabou y
gobierno ta contento con e trabounan ta andando. Mester bay desplega e tecnologia na Aruba. Tur e
companianan di utilidad ta envolvi . Ta spera cu e energia sigui pa traha conhuntamente pa nos pais.