Page 41 - Djabierne 7 september 2018.pdf

Djabièrnè 7 Sèptèmber 2018 41

Kontinuashon di pagina 2
Kòrsou no ta obligá di

ningun molèster pa haña
e otro banda di medaya.
Segun sr. Girigorie, dor
di henter e situashon na
Venezuela i refugiadonan
ku ta bini aki a surgi basta
atenshon lokalmente i
tambe di organisashonnan
internashonal riba e tema
kon ta trata ku personanan
indokumentá.
Segun e minister, nos
pais ta i ta keda habrí pa
tur hende. Tin un kantidat
di hende ku ta hasi petishon
di pèrmit pa estadia, i
esei ta e forma kon un
estranhero por establesé su
mes legalmente na Kòrsou,
meskos ku kualke otro pais
na mundu. E tin di atmití ku
e situashon na Venezuela a
sòru pa un tiki di preshon
riba e diferente institutonan
ku ta forma parti di e
kadena di atmishon i
ekspulshon. Pero a trata di
mas mihó posibel pa krea
proseduranan pa atendé
ku e tema aki. Pero kada
dia ta siña algu diferente.
Es mas, for di Ulanda
tambe ta biniendo sosten
a base di nan ekspertisio
ku e asuntu aki. Ulanda si
ta parti di e tratado ku ta
regla asilo, pero Kòrsou no,
i no opstante esei Ulanda
ta yuda nos kaminda ta
nesesario.
For di yüni 2017
gobièrnu di Kòrsou a risibí
algun kantidat di petishon
pa protekshon. I tin un
komishon ku ta evaluá
kada kaso riba su mes. Den
kaso ku un persona pidi
pa protekshon (no asilo)
e lo tin di proba si ku su
bida ta na peliger. Ta na
momentu ku un persona
ser detené aki komo
indokumentá i sea despues
òf durante interogashon e
tin di informá i proba ku e
mester di protekshon. Pero
kada kaso a ser evaluá
i no ta duna protekshon
sin mas. Na momentu
dje enkuentro ku prensa
e mandatario no tabata
den posishon pa kompartí
sifra di petishonnan ku tin
pa protekshon i kuantu
eventualmente a keda
honrá.