Page 5 - Djabierne 7 september 2018.pdf

Djabièrnè 7 Sèptèmber 2018 5

Na St. Maarten
Minister

Gitterson
a kousa

aksidente bou

di influensia
di alkohòl

Kaso ta den
investigashon

WILLEMSTAD.- Polis
na St. Maarten a kuminsá
un investigashon na
Minister Miklos Gitterson
di Bibienda, Planifikashon
Medio Ambiente i
Infrastruktura. Gitterson
tabata envolví den un
aksidente di tráfiko
ayera mainta. Polis ta
sospechá Gitterson di kore
bou di influensia di alkohòl.
Gitterson a kore den outo di
gobièrnu MR-6. Tabatin un
aksidente ku un bùs Toyota
Hiace.
E aksidente a tuma lugá
5:45 or di mainta na L.B.
Scott Road. Gitterson a dal
patras di e bùs. Bosero di
polis inspektor Rocardo
Henson a splika prensa di
St. Maarten ku na momento
di aksidente tabatin sinku
persona den e bùs. Algun
di nan a keda heridá komo
konsekuensia di e aksidente
i a bai St. Maarten Medical
Center. Tur a keda kontrolá,
pero niun di nan mester a
keda na hospital.
Polis a arestá Gitterson
5:50 or di mainta bou di
sospecho ku Gitterson a kore
su outo bou di influensia di
alkohòl.
A hiba Gitterson na
ofisina prinsipal di polis.
Aya Gitterson a papia ku su
abogado i a wòrdu interogá
dor di un fiskal. Despues di
algun ora a laga Gitterson
bai. Pero te ainda e ta keda
sospechoso den e kaso.