Page 39 - FDLP

S.V. RCA Ta Gradici Tur Hende Cu A Haci Posibel Pa

Otro Campeonato Super Exitoso

 Deporte
- 27/06/2019

Despues di 11 luna di trabou duro e ekipo di RCA Division Honor ta titula Campeon di
Aruba celebrando 85 aniversario. E logro aki ta danki n’e sistema hubenil cu ta keda
produci talento pa hoofdklas.

Pero tambe un palabra di elogio na tur e coaches y leidsters cu dia den dia afo ta yega
RCA pa traha boluntariamente cu nos hobennan.

E toke final t’e gran ayudo di nos sponsornan cu ta keda fiel cu e organisacion tricolor y
asina ta cubri gastonan di material y uniform pa mas di 250 hungador. Tambe directiva di
RCA kier gradici Prensa p’e gran apoyo y cobertura durante full e aña.

Por ultimo ta elogia e Fanaticada Tricolor cu a yega engrande weganan di play-off, pero
tambe full e campeonato. RCA a logra clasifica pa play-off den casi tur categoria; Sub-9
Sub-13 Sub-15 Sub-17 Dames y Hoofdklas.