Page 29 - MIN VOS
P. 29
TUR COS TA CLA PA DIABIERNA ANOCHI
BRINGADONAN A FACE-OFF OTRO Y TA
CLA PA SUBI RING
May 25, 2017 Admin Uncategorized Leave a comment
ORANJESTAD, Aruba: Diamars atardi a tuma luga e face-off di e bringadonan
cu lo bringa diabierna 26 di Mei den e di 4 CFC/RFC den Entertainment Center.
Lo bay tin 15 pelea candeloso e anochi aki, unda cu bringadonan di Aruba lo
mustra pakico nan ta esnan miho.
Diamars atardi e bringadonan a topa otro cara a cara. Tur bringado ta cla pa subi
e ring y pone publico den Entertainment Center cabes boca abou. Lo bay tin 2
pelea pa faha unda cu bringadonan di Aruba ta buscando pa bay cu e titulonan
maximo. E organisadonan ta contento di un biaha mas organisado e peleanan di
CFC y ta anticipa cu e anochi aki lo tin peleanan candeloso.
E 15 pelea cu lo tin pa e anochi aki lo ta Carlos Sanchez contra Carlos Matos,
Pierre Richardson contra Carlos Diaz, Sophia Petrocchi contra Josimar Mata,
Clayton Raven contra Conti Gabriele, Wilson Rodriguez contra Mauricio Otalora,
Joshua Cordova contra Marcus Sursa, Jean Marc howell contra Gregorio Rondon,
Chara Ptrocchi contra Jenny Cordova, Hyram Rodriguez contra Dawond P,
Michael Kuipers contra Furacao Macado, Maria Cariaco contra Audrey Puello,
Adrick Croes contra Pedro “El Tanque” Urbina Salas. E peleanan di e anochi aki
pa faha lo ta di Joziro Boye contra Alex “Rolo” Torres y Evan Nedd contra Canaan
Grigsby.
Bo ta buscando bo carchi pa diabierna? Ainda bo tin chens di haya na Dojo Boye,
La Plaza del Corte Playa, Santa Cruz Barbershop, RIF Boulevard y Savaneta, El
Gallo Rojo (San Nicolas)- Fruteria Virgilio – Crystal’s Nutrition Center & Clinic
Dakota. Pa entrada general ta 35 florin, 70 florin pa ring side, 120 florin pa VIP,
1200 florin pa VIP table. Pa informacion pa ticketnan di VIP ta haya esaki na AB
Attraction Beauty Salon na Tanki Leendert of yama Maria na 7416961. Porta lo
habri pa 5:00 PM, mientras cu e prome pelea lo cuminsa pa 6:30 PM. Bo kier
mira ken ta gana? Yega diabierna 26 di Mei na Entertainment Center y presencia
e 15 pelea candeloso.
