Page 17 - FDLP
P. 17
AMADEE NICOLAAS CLA PA
WORLD CHAMPIONSHIP HALF
IRONMAN 2019
26 August, 2019, 10:58 am
Famia a bini hunto diadomingo anochi pa organisa un despedida pa Amadee Nicolaas,
kende despues di un preparacion intensivo ta biaha pa participa den un competencia di
“Worldchampionship Half Ironman”.
El a splica 24ora.com cu e ta cla cu su preparacion y solamente e mester percura pa
mantene su ritmo mientras cu diabierna awo e lo ta biahando. El a participa den un
competencia cu tabatin na juni ultimo na Costa Rica, unda e mester a busca su
clasificacion pa e competencia cu proximamente ta tuma luga na Francia.
Despues di su clasificacion, el a sigui cu su preparacion aki na Aruba mes.
Nicolaas a splica cu prome cu e bay pa e World Championship Ironman na Hawaii aki
dos aña, e kier mehora su tempo den e competencia na Francia awo.
E entrenamento pa e tipo di competencia aki ta exigi hopi di un atleta pa cual tin biaha no
ta keda tempo pa famia, esey ta e motibo cu a organisa e evento social unda tur famia e
bini hunto y a probecha pa desea Amadee Nicolaas tur clase di exito na Francia. “E
apoyo di famia ta hopi importante pami.”
