Page 6 - HOH FEB 2

cronico ta aumentando drastico den nos comunidad.
Desde varios aña tin intencion pa haci IMSAN un centro oncologico den
cooperacion cu Baptist Health di Florida. Esaki sigura lo baha gasto di manda

pashentnan den exterior pa tratamento. Aki lo haya sosten di Babtist Health di
Florida pa haci e adaptacionnan necesario y pa e personal por ta acredita segun

e sistema di JCI. Ya caba den a haci varios tramite pa financiamento. Den un
paar di luna lo inicia cu e proyecto cu duracion 2 aña. Lo tin ampliacion di e lift,

e central electrical plant y tamb e bunker pa e liniaire versneller.
Positivo ta cu tin un entidad renombra manera Baptist Health cu lo sostene

IMSAN pa haci diferente adaptacion y pa equipa personal cu conocemento
necesario. Mervin Wyatt-Ras ta comenta cu ya tin paar di aña ta trahando ariba
e plan aki y cu determinacion ta spera cu e plannan aki por bira realidad. Den

Parlamento a haya presentacion di Director di IMSAN. En bista di e cantidad di
pashentnan cu ta bay den exterior pa tratamento di cancer, e gastonan di esaki

y e consecuencianan emocional pa e trahadornan ta di importancia cu ta yega
na un proyecto asina. Den futuro por mira alabes posibilidad di turismo medico

cu siguramente pais Aruba lo tin cu enfoca ariba dje en bista di concurencia
turistico den region.

Un otro area cu lo bai amplia ta esun di operacion di wowo. Esaki sigur lo haci
posibel cu pashentnan lo por wordo opera aki mes na Aruba. Sigur lo baha
gastonan medico. Wyatt-Ras ta contento di por a ricibi informacion for di

Director di IMSAN y ta spera cu e proyectonan den plan lo por haya bida.