Page 30 - AVP

Cu prueba DIARIO ta bini dilanti y awe nos ta grita “Constitucion” pa reforsa e
intentonan pa investiga kico a pasa cu nos placa, e sodo di nos frenta.

Con por ta posibel cu gobernantenan cu ta considera nan mes parti di inteligencia di

Aruba, por a hinca e pais den un catastrofe?

Democracia ta exigi pa preguntanan cu ta habri haya contesta y pa pueblo cu mester
paga belasting y mester pone placa riba mesa, haya sikiera satisfaccion cu e conoce e

motibo cu awe e mester paga pa loke a destrui Aruba.

No ta normal pa placa di un pais wordo uza den tur loke no tabata necesario. Aruba no
tabata tin mester di tram ni brug di fantasia.

Aruba no tabata tin mester di un hospital cu ta bula entre cinco strea, pero di un
hospital cu por garantisa bon cuido. Esaki no ta e caso. E solo hecho cu a lubida sala di
operacion ta pone hende pensa dos bes kico por a sosode.

Democracia ta exigi pa awe Aruba haya sa kico a pasa y pakico Aruba mester paga pa
abuso cometi cu Aruba.

E placa di tram, e placa di e brug ta prueba cu no a uza consenshi ora a atende cu
placa di Aruba.

Gobierno anterior tabata sa cu gobierno tabata den problema serio cu e mes a crea ora

pa haya voto, el a baha entrada di Aruba dor di baha BBO cu tabata un cabay peligroso
di campaña.

Investigacion mester bini manera democracia ta exigi pa loke no a pasa, pasa awor.

Pasobra man liber gobierno anterior a haya pa haci y deshaci cu placa manera e tabata
kier. Rapportnan oficial ta sostene e posicion aki y si nos ta gaña, laga nan bin bisa
publicamente cu nos ta gaña pa nos pone pruebanan atrobe riba mesa.

Hamas Aruba por lubida e momentonan cu e ta pasa. Momentonan cu a wordo crea dor
di politiconan cu a lubida hasta nan consenshi y awe kier stroba trankilidad na Aruba
den nan intento pa bolbe na poder.