Page 39 - KPA
P. 39

Camara tin graba: Un paki veneno di raton y orange

               juice a keda cumpra

               on: November 24, 2016In: LocalNo Comments
                Print Email
               E chines di e supermarket Kinppo a coopera por completo cu autoridad diaranson marduga pa nan
               wak ki tur a keda cumpra diamars. Camara di seguridad tin graba diamars anochi ora cu un
               miembro di famia a drenta e supermarket y cumpra un paki di juice orange di Home Maker y un paki
               di veneno pa raton. Dos producto a keda cumpra y e persona a bandona e chines, anochi pasa di
               10 or na un cas di famia un cabayero y un señora di riba 70 aña a bira malo.


               E cabayero cu a bebe e juice aki a sinti un smak amargo y a stop di bebe y e señora di edad a bebe
               full e juice y a bira basta malo unda a cuminsa saca. Ambos a bay Centro medico cu urgencia.
               Segun e famia nan a bin haya un pildo veneno di raton den e paki di juice pero con esaki a drenta
               ey den ta desconoci. Autoridad a start un investigacion grandi, tanto na e supermarket y na e cas di
               famia recherche a presenta y listra rond.

               Na e cas a bin haya e paki di veneno di djaka kibra y algun di e pildonan di e veneno di raton rond di
               e cas. E investigacion tin bay determina si ta esun cu a cumpra e juice cu e paki di veneno lo a
               benta e pildo aden. Mientras cu e paki di juice a keda hiba Hulanda pa investigacion y por spera un
               resultado otro siman cu e pildonan haya pafo na e cas y esun den e juice si nan por ta cuadra. E
               señora di 72 aña a keda hiba Colombia cu urgencia diaranson prome cu merdia debi cu su salud ta
               hopi malo mes.
   34   35   36   37   38   39   40   41   42   43   44