Page 4 - DIMP

(Mira adhunto). Wel pueblo awe nos lo demostra cu prueba con Mike Eman ta gaña atrobe. Nos por corda
ainda su campaña cu AVP lo elimina BBO? Wel no ta nada straño cu Mike awe ainda kier sigui manipula.

E prome planta di SWRO

Aki ta sigui poco di e historia di WEB. Desde 1932 cu WEB a keda estableci cada tanto aña a keda busca
manera pa inverti den sistemanan duradero y moderno pa garantisa suministro di Awa y Coriente pa pais
Aruba. Desde 1965 a introduci e sistema di MSF desalination technology, esta Multi Stage Flash system.
Tambe nos por corda Agua Chem cual tambe ta e tecnologia di MSF. Ta hustamente bao di vision di
gobernacion di MEP na 2006 a firma contracto pa RECIP1 (pa logra baha prijs di coriente) y SWRO cual ta

Sea Water Reverse Osmosis, un tecnologia unda ta filtra awa di lama door di membrannan masha
fini combertiendo asina awa di lama den awa portatil, esta awa cu hende por bebe cual ta un sistema cu ta usa
menos energia pa por logra baha prijs di awa. Den luna di maart 2008 e prome planta di SWRO di capacidad di

8000 M3 pa dia a drenta servicio y asina Agua Chem 1 despues di 25 aña ta wordo saca for di servicio. Esaki
tabata e promer decision y paso grandi tuma durante gobernacion di MEP pa por logra bay e rumbo pa baha
prijs di awa y coriente.

E di dos planta di SWRO

Mesun momento MEP a inicia e proceso pa e di dos planta di SWRO. Mike Eman a drenta gobernacion na
october 2009 y a ricibi e prijs di awa na Afl. 8.85/M3. Asina mes Mike no por a maneha esaki na un manera
corecto como cu nan tabata chica hopi placa di WEB pa tur tipo di Green Conference unda Mike Eman a bay
over den su periodo di 2010-2013 pa aumenta prijs di awa cu un averahe di 15%. Na 2010 a aumenta e prijs di
awa cu 15.4%. Na 2011 Mike y AVP a aumenta prijs di awa cu 24.2% den comparacion cu 2009. Na 2012 e

aumento tabata 20.6% den comparacion cu 2009 y pues un aumento averahe den 4 aña di AVP na 15%.
Adhunto e tabel di WEB como prueba palpabel pa contra aresta e gañamento di Mike Eman. Pues ningun pero
ningun momento Mike Eman y AVP a baha prijs di awa cu 35% manera Mike a skirbi den su ultimo articulo,

alcontrario a aumenta esaki cu 15%. Cifranan no ta gaña. Danki na e vision di MEP cu a inverti den 2 proyecto
di SWRO, esta e prome planta cu a bay den servicio na maart 2008 di un producion di 8000 m3/dia y e di dos
planta di SWRO di capacidad di 24000 m3/dia (vision di MEP) cual a drenta den funcion na 2012, Aruba a
cuminsa conoce un prijs stabil di awa desde ey bin dilanti.