Page 15 - AM190112
P. 15
Diasabra, 12 Januari 2019 AWEMainta 15
Pa un chauffeur Hulandes na Polis
“Drie of vier drankjes, ben ik niet onder invloed”
Anto puntra Polis Alex Pieters kico esaki ta anto?
DIAHUEBS den careda di mey anochi, Centraal di Polis
a haya varios yamada di personanan cu a nota un minivan
shinishi coriendo zig zag riba caminda y tabata mustra cu e
chauffeur di e auto aki mester ta bou influencia, Mesora a
manda un patruya riba e caminda prinicipal di Noord.
E auto tabata bayendo direccion panort y despues di a yega
e luznan di trafico na Noord, e chauffeur a dicidi di djes bira
riba e crusada y bay bek pazuid, durante cu e auto tabata bi-
rando, el a sorprende e otro autonan cu nan a hera dal contra
dje.
Den e coremento aki e chauffeur a kap dos tire di e auto, ni
esaki a strobe di sigui core, e tabata sigui core cu dos tire plat.
Na altura di Imeldahof un patruya di Polis a logra para e
minivan y a bin topa cu un dama Hulandes tras di stuur.
Aparentemente e dama no por a haya su caminda di su cas.
Den prome instante e agentenan a trata na yude pa mira si
por hibe su cas, pero e dama no tabata coopera cu nan.
E agentenan a puntre pa su rijbewijs, e dama no por a mus-
tranan su rijbewijs valido. E agentenan tabatin hopi dificul-
tad pa comunica bon cu e dama aki.
E agentenan n’e sitio a dicidi di pidi pa un alcohol sensor y
transportwagen di Polis, manera cu e agentenan a haya e al-
cohol sensor, nan a pone e dama chauffeur aki supla, despues
di varios intento el a logra supla, pero e dama a pasa e limite
permiti, indicando cu e dama aki no lo por a bebe djes “drie
a vier drankjes” so pero hopi mas.
Na momento cu el a keda deteni y tabata subiendo e trans-
portwagen, ainda e tabata bisa Polis cu ta solamente “vier
drankjes” so el a bebe, pero e agentenan n’e sitio a tuma nan
desicion caba di detene y hibe Warda di Polis caminda e lo
mester bolbe supla n’e machine grandi.
E auto a keda confisca y hiba Warda di Polis, mirando cu un
di e bentanan no ta cera y asina evita pa ladronnan bay cu e
auto.
Danki n’esnan atento riba caminda cu a sa di bati alarma,
cu Polis por a logra kita un chauffeur bou influencia for di
caminda na tempo y asina evita lo peor. Coremento di auto
bou influencia sigur ta forma un peliger den trafico.
