Page 31 - ATA

Den pasado tabata tin varios iniciativa entre otro di Sociale Zaken, di
Bibliotheek, di Fundacion Respetami, pa pone e informacion disponibel. Pero
semper tabata algo riba papel, hard copy of digital, via email. Pero e

organisacionnan semper ta cambia, nomber di personanan ta cambia y esaki ta
pone cu e informacion ta cambia.

Pa es motibo aki, Cede Aruba a opta pa haci un cambio den esaki, y nan a traha
un website of un asina yama appsite, na unda tur organisacion ta documenta y

den futuro cada organisacion por up date su informacion online.
Cede Aruba a cuminsa na Maart 2016 cu e orientacion di e proyecto, a acerca e

partnernan, e.o. esunnan cu ta trahando cun’e den e proyecto, manera ASU pa
e organisacionnan deportivo, Ibisa, ATA pa e organisacion pa hubentud,
Fundacion pa Nos Muchanan, pa e crèchenan, Dienstauto en zorg, DVG pa

organisacionnan pa nos grandinan, Sociale Zaken pa diferente asociacionnan
movil pa Centro nan di Bario, Fundacion pa Respetami pa diferente

organisacionnan social, Directie Onderwijs pa scolnan hunto cu SKOA y DPS,
Bureau Traimerdia, Directie Cultuur pa e organisacionnan cultural y a logra haya

Medwork pa algun di nan partnernan.
Tambe CEDE Aruba ta traha cu e financiamento di VNO y Prins Bernhard

Cultuurfonds. Pa traha e platform online, CEDE Aruba a acerca Multimedia
Organisatie pa un oferta pa traha esaki.
E base di e proyecto aki ta pa tin un data base online y a scoge pa platform

.org.aw y ta danki na Setar pa e domain aki, asina cada organisacion riba e
platform lo haya nan mesun website. P.e. Cede Aruba tin www.cedearuba.org y

esaki lo hiba e persona direct na e website di CEDE Aruba. Y asina cada
organisacion lo por promove nan mesun profile.

E basis di .org.aw ta pa tur organisacion tin nan informacion basico online, cual
ta e doel di e organisacion, dus e missie -vissie, y tambe e locacion, orarionan

di oficina, persona di contacto, proceduranan pa aplica y e aplicacion por varia
hopi. Tambe con pa por bira miembro di un sportclub, ki dia tin training y
cuanto e ta pa luna. Of tambe si e persona ta desea di bira miembro di un

organisacion social, pa e bira cliente di esaki. E informacion aki al momento ta
documenta. Aworaki tin 183 registracion, cual ta hopi, pero tin mas

organisacion cu por registra nan mes na org.aw