Page 7 - AVB
P. 7
E play-offnan di futbol di Arubaanse Voetbal Bond, esta e campeonato 2016/2017 di Division Honor
y Damas ta continua fuerte e fin di siman aki. Den ambos categoria tin 4 team batayando fuerte pa
mira ken lo bay hunga den final pa asina mira kende lo bira e campeon di e campeonato.
Diabierna 2 di Juni den e categoria di Division Honor e team di Deportivo Nacional lo enfrenta
Britannia pa 8:00 PM den stadion Guillermo Prospero Trinidad na Dakota. Diasabra 3 di Juni pa 8:00
PM RCA lo enfrenta Dakota den stadion na Dakota. Den e categoria aki ainda no tin bisti cua ta e 2
team cu lo enfrenta otro den final. Na prome luga ta Deportivo Nacional cu 7 punto, RCA ta na di
dos luga cu 6 punto, Britannia ta na di tres luga cu 5 punto y Dakota ta na di cuater luga cu 4 punto.
Den e categoria di Damas lo tin 2 wega riba diasabra 3 di Juni pa asina cera e prome rond. E prome
wega lo ta pa 6:00 PM entre Estudiantes y RCA den stadion Franklin Bareño na Piedra Plat, mientras
cu pa 8:30 PM La Fama lo enfrenta Britannia den stadion Franklin Bareño. Na prome luga ta
Britannia cu 6 punto, RCA ta na dos luga cu 3 punto, Estudiantes ta na di tres luga cu 1 punto y pa
motibo di averahe di gol La Fama ta na di 4 luga cu 1 punto.
Yega e fin di siman aki na e stadionnan y bin presencia e weganan aki pasobra poco, poco nos ta
yegando un stap mas cerca di final. Yega stadion y bin apoya bo team preferi.
