Page 46 - ARENDS JAN 23

Ernst Mohammed: Cifranan publica ta duna un bista con
estado di Camara di Comercio a bay pa e aña saliente

Sunday, 22 January 2017 11:52
Comparti

Keto bay un cos cu a capta atencion ta e publicacion cu a wordo haci algun dia pasa tocante registro na Camara di
Comercio. Toch tin biaha ta sinti sentimentonan mixto tambe di parti di Gobierno, Comunidad etc. Ernst
Mohammed como presidente di Camara di Comercio, a conta riba e proceso aki y kico por haci, sea cu tin un
temporada halto, diripente mirando esey a pone cu awe, a mira 2016 ta un situacion diferente cu tin menos interes.

El a splica cu manera e cifranan ta mustra, ta deber di Camara di Comercio pa publica e cifranan dicon e estado di
nan ta bayendo, con e inschrijving ta bay y con e uitschrijvingennan ta bay. Si tin un deficit, ta nan deber pa señala
esey pa mustra comunidad kico ta pasando. E tin su efectonan. E ta algo, si e ta baha hopi, ta preocupante, pero
tambe ta un guia pa mira kico por haci pa e ora percura cu esey no ta pasa mas. E ta un tool pa Gobierno pa wak con
por stimula, kico por haci y ki decision por tuma pa esey no pasa den 2017.

Sigui inverti

E parti dificil di un free enterprise cu tin, cu tur hende tin e derecho di habri negoshi cu nan kier. Tin cu wak pa keda
competitivo, bo tin cu zorg pa bo haci tur bo due diligence, tur huiswerk pa bo ta exitoso. Bo competencia semper tey
y ta sano. Si ta hopi competencia, no dimas, e consumer ta esun cu ta gana. Den e competencia ey e consumidor ta
bay cerca esun cu tin e miho producto cu e miho prijs.

Esey ta eigenlijk locual cu Gobierno ta busca pa su economia. Como Camara di Comercio, ta tuma tur hende pa bay
inscribi. Deber tambe ta pa guia nan. Pesey ta organisa business plaza y tambe varios curso den transcurso di aña pa
stimula entrepeneurs, comerciantenan pa nan bira mas exitoso. Na fin di dia ta esun cu ta profila nan mes miho,
esun cu ta haci su huiswerk, esun cu ta traha mas duro, ta esun cu ta bay keda para.

Battle of the Fittest

Ernst Mohammed a splica cu tur hende tin cu registra su negoshi. Si bo no kier ta ilegal, tin cu registra e negoshi. Di
e banda ey Camara di Comercio semper ta zorg pa e negoshi. Nan no ta solamente pa bin registra negoshi, pero si tin
mester di ayudo den cualkier area pa e negoshi. Si kier pa cana cu e comerciante, nan ta cane. Nan ta un luga unda cu
por registra y ta un luga unda cu por yudabo. Di un otro banda, ora cu tin mucho negoshi den un area, esey ta bira
parti beleid di Gobierno, con nan ta hacie, kico ta nan meta. Si nan meta ta pa crea hopi competencia, Camara di
Comercio ta habri mercado pa tur hende y esey ta bira The Battle of the Fittest. Esun cu ta haci su trabao mas miho,
esun cu ta busca tur e cosnan mas miho, miho advertencia, duna miho servicio, eseynan ta esunnan cu ta gana.

Plan

Camara di Comercio ta sperando e prome meeting cu Gobierno. Nan tin un paar planea cu nan. E meta aña pasa
unda cu a lage cu varios minister y varios instancia Gubernamental ta cu lo reuni cu nan mas cu por, pa asina atende
e programanan, atende e gritonan cu ta bin di nan clientenan, cual ta e miembronan di Camara, pa hunto busca
solucion y traha un plan strategico pa por ataca nan. Esey ta e meta di Camara di Comercio, segun Ernst
Mohammed.