Page 7 - ARUBA BANK

ARUBA BANK A ENTREGA JAIRZINHO

BOEKHOUDT SU PREMIO COMO GANADOR

DI E QUIZ “CON ARUBIANO BO TA?”

April 3, 2017 adminarubanative Uncategorized Leave a comment

ORANJESTAD, 31 di Maart 2017 – ARUBA: Mas di 3500 persona a participa
na un Facebook quiz organisa pa Aruba Bank pa celebracion di Dia di Himno y
Bandera durante di e siman di festividadnan. Entre tur participante Aruba Bank a
rifa un safari trip di shete ora, pa cuater persona, cu ta inclui diferente parada
dibertido y interesante. E ganado, Jairzinho Boekhoudt a ricibi su premio for di
Nelleke Cardenas, Sr. Marketing Officer diabierna mainta na Aruba Bank
Camacuri.

Aruba Bank a puntra “Con Arubiano bo ta?” y cu e pregunta a capta hopi
atencion, hopi participante a “share” e quiz cu nan friends riba Facebook, y a
intercambia tocante di nan contestanan y nan “score”.

Como ganado di e premio, Jairzinho y tres invitado lo disfruta di un “Baby Beach
Land Rover Safari” cu ta inclui parada na Ostrich Farm, Ayo Rock Formation,
Donkey Sanctuary, Black Stone Beach, e cuebanan den Parke Nacional Arikok, y
un bishita na Baby Beach. Pa shete ora nan lo trip rond Aruba estilo di “Turista-
riba-mi-isla”, y gosa di un dia fabuloso.

Aruba Bank ta gradici tur participante na e quiz, y ta desea Jairzinho Boekhoudt
y su invitadonan un dushi trip.

PICK UP LO A WORDO USA PA DESTRUI

PORTA DI ARUBA BANK CAMACURI, PA

ASINA YEGA NA E ATM MACHINE

April 3, 2017 adminarubanative Uncategorized Leave a comment

Camacuri – Dialuna marduga den careda di 1:30 un compania di seguridad ta
pidi asistencia di polis cu urgencia.
Durante cu patrol di e compania di seguridad a bay Aruba Bank na Camacuri, e
ta haya e portanan di e banco completamente destrui.