Page 3 - AWEMAINTA
P. 3
Diabierna, 23 augustus 2019 AWEMainta 3
Cargamento di droga
kima den madruga
DIAHUEBS den careda di 4or di madruga, preparacion
a cuminsa p’asina sali cu un cantidad di droga for di
warda di Departamento di Seccion Crimen Organiza.
E droga ta droga confisca den diferente caso. A base di
e investigacion y pendiente un of otro caso ta keda acu-
mula droga den e departamento.
Ora yega asina leu mester deshaci di e droga den e
forma corecto. P’esey mes diahuebs madruga tabatin
vigilancia continuo di Team di Aresto bon arma p’asina
cuida e warda.
A prepara tur cos y pasa di 4 or e personal a yega cu
pickup y trailer pa sali cu e droga pa tereno di e re-
fineria. Riba e tereno di CITGO a bay pa kima tur e
droga y otro materialnan confisca cu tambe mester a
deshaci di dje.
No por a saca afo cuanto kilo total a ser kima. Esey ta
algo pa Ministerio Publico handle. Loke por a confirma
ta cu ta diferente tipo di droga a ser kima.
E pickup di Polis a ser acompaña p’e miembronan arma
di Departamento di Droga y tambe Team di Aresto.
