Page 40 - Djaweps 8 november 2018.pdf

40 Djaweps 8 Novèmber 2018
Komo parti di su Plan Stratégiko 2018-2020
Banko Sentral mester bira un

instituto “state of the art”

Konfiabel, efisiente, inovativo i efektivo

WILLEMSTAD.- E
kontribushon di Turismo
den loke ta e entradanan
di divisa a bira kasi tres
biaha mas tantu awendia
si mester kompará esaki
ku aña 2000.
E vishon ta ku den
futuro lo mester yega na
un Banko Sentral ku ta
“state of the art” i riba
kual por konfia.
Mester promové un
sistema finansiero sano
i integral dor di bai
funshoná mas inovativo,
efisiente i efektivo.
Esei di akuerdo ku e
Presidente interino di
Banko Sentral, sra. Leila
Matroos-Lasten durante
un presentashon ku el a
duna resientemente pa
profeshonalnan den e
sektor aki.
Segun sra. Matroos-
Lasten, den e situashon
aktual nos porsentahe
di desempleo ta
relativamente haltu, ku
14.1% na 2017, di kual
32.8% ta bou di hubentut.
Pa loke ta e entradanan
di pais, pues generashon
di divisa, por mira ku
Turismo a bira esun mas
importante. Si na aña
2000 turismo tabata sòru
pa 14% di divisa, awe e ta
kasi tres biaha mas tantu
i klabá na 31%.
Nos refineria ta
sigui komo un di esnan
importante, ku 13%
aunke el a baha ku tres
porshento.
Si wak atrobe e
situashon di aña pasá, no
por papia di kresementu
den ningun sektor, al
kontrali mayoria di nan a
konosé un kontrakshon.
Solamente e sektor di
hospitalidat a konosé un
adelanto di apénas 0.1%.
Loke ta un desaroyo
preok upante ta e
kresementu dje debe di
gobièrnu kada aña. Si na
aña 2010 na momentu ku
Kòrsou a bira outónomo
den Reino tabatin un debe
di kasi 1.8 mil mion banda
di un Produkto Bruto
Interno (BBP) di algu mas
ku 5 mil mion florin.
Sigui lesa pagina 43