Page 39 - AVP

bai fout manera cu Financien a duna splicacion na Simar, tur hende tin dos
biaha e code 150 pero e ora ey un biaha 320. Anto esaki ta pone e ora ey cu e
suma cu a wordo kita den un tanda no a bin bek anto e ora tur hende a haya
menos na salario. Segun presidente di Simar e parti fastioso ta cu ainda e
docentenan no a haya nan payslip pa nan por check esaki pasobra segun
financien e no por ta un diferencia mas cu 100 Florin. Pero Simar a haya
yamada di diferente miembro cu a bisa cu nan tin falta di 100 Florin y hasta
tabatin uno cu a bisa cu e tin falta di mil Florin. Pero akinan Financien a duna di
conoce cu esey si nan no ta na altura di dje pero nan ta purba pa warda te ora
cu e payslip yega anto e ora ey pa dobbel check esaki y esaki tambe a wordo
splica na e docentanan cu a yama reclama cu nan tin cu wak e dos codenan pa
wak si un biaha e ta wordo kita y un biaha e ta wordo poni bek. En todo caso
Directie Financien a bisa Simar cu nan lo tuma contacto cu e departamento
concerni cu mester manda e payslip pa e docentenan pa nan haya esaki mas
pronto posibel y asina tur hende por wak kico a bai robez. E no ta serca tur
docente pasobra nan por wak cu serca nan e codenan a bai bon y cierto school
bestuur a mustra cu nan no a tende reclamo di nan docentenan. Pero a
compronde cu for DPS Simar a haya diferente yamada y esakinan ta
docentenan cu a tuma contacto cu sindicato pa busca informacion di kico a
sosode. Y tambe for di Colegio a haya yamada pues ta practicamente dos scol
bestuur cu nan a confronta problema pero den todo caso Financien tambe a bisa
cu pa nan rectifica e fout aki, nan tin cu bai haci un payroll di nobo y pesey nan
a bisa cu e lo bai sosode otro luna dus e ora nan ta bai haci payroll di October y
e ora ey nan lo rectifica y e ora tur hende cu a haya falta di cierto suma riba
nan salario, lo haya e suma aki bek. E ora den mesun rosea Simar a bisa
Financien cu ta imposibel cu kita un diferencia di 500 of mil Florin cu ta bisa cu
otro luna lo bai drecha esaki pero den todo caso Financien kiermen cu e parti
aki die pensioen regeling no por ta mas cu 100 Florin serca e docentenan
caminda e cosnan a bai fout. Dus un biaha mas mester wak e payslipnan ora
esakinan yega anto e ora e docentenan por controla kico ta kico. E ora a surgi e
pregunta cu si pone e suma aki bek, e lo por pone e docentenan aki den un otro
bracket di belasting, akinan e presidente di Simar a mustra cu manera el a
compronde for di Financien ta un simpel coreccion mester wordo haci pero esaki
ta algo cu mester bai dobbel check atrobe. Simar a informa e docentenan di e
situacion aki pero mester bisa cu ora cu e situacion aki a presenta, hopi docente
tabata rabia pasobra nan no tabata compronde pakico nan no a haya na payslip
ainda pasobra si nan a haye prome caba nan lo por a anticipa esaki mientras cu
aworaki nan no tin informacion di kico a sosode cu ta pone docentenan cuminsa
specula y e ta bira un situacion fastioso.

https://masnoticia.com/directie-financien-ta-mustra-di-a-haci-eror-riba-salario-di-docentenan-cu-no-a-
haya-salario-manera-nan-ta-custumbra-cune/