Page 18 - ARENDS JAN 12

AWEMainta Diahuebs, 12 Januari 2017 25

Presidente di Parlamento:

Banda di discucionnan, diferente presentacion y

bishita a ser haci durante reunionnan di IPKO

DURANTE reunionnan di IPKO na
Corsou a ricibi diferente presentacion
y a haci diferente bishita na proyec-
tonan. Entre nan e proyecto di waf riba
diamars y diaranson a haci un recorido
na e hospital nobo den construccion.

Presidente di Parlamento Wyatt-Ras
ta haya di importancia cu por tuma
nota di dicho proyectonan. Por a tende
alavez cu pa loke ta trata e proyecto
di waf tin hopi intercambio cu Aruba.
E hospital nobo ta un proyecto cu lo
finalisa dentro di un aña y mey.

Ta di importancia, segun Wyatt-Ras,
pa nos paisnan por traha hunto riba
diferente area y tambe pa loke ta nos
salubridad y nos specialistanan.

En bista di malesanan cronico crecien-
te nos tin cu uni forsa p’asina combati
e malesanan aki y tambe baha gasto.

Sinembargo esaki ta un proceso cu no
ta tuma luga asina facil. Ta di impor-
tancia cu nos Gobiernonan por traha
hunto pa por stimula e proceso aki,
asina Wyatt-Ras a duna di conoce.