Page 19 - AVP

8 AWEMainta Diaranson, 31 juli 2019

Minister Dangui Oduber ta

sigui perde caso contra Lotto

3 Strike Out

DIAMARS tabatin otro decision a cay den caso Lotto cu no ta na
fabor di e pensamento di Minister Dangui Oduber, bou di kende

asuntonan di deporte ta cay.

Siman pasa tabatin e sentencia di e caso den bodemprocedure cu
a retira e miembronan di Hunta di Supervision di Lotto aña pasa

y un siman despues a nombra miembronan nobo.
E decision basa riba argumentonan cu ta haya nan raiz den e

Governance Code di Fundacion Lotto pa Deporte, a cay na fabor

di e miembronan di e HdS cu a keda retira.

Awor tin e sentencia den e caso di kortgeding cu e miembronan a
gana, pero Dangui Oduber a dicidi di apela. E decision aki t’esun

cu na diferente ocasion a wordo posponi.

Den e sentencia por lesa e motibo mas o menos pakico. Hues di e
caso di Hof ta bisa cu nan mester tuma un decision di loke nan ta

pensa e Hues den bodemprocedure ta bay tuma.

Awor cu tin decision cu a keda tuma den bodemprocedure caba,
Hof ta bisa cu ora e tuma un decision riba un caso sumario, cu ta

un decision temporal, mester adapta nan mes en principio na e

decision aki.

Y esey ta loke cu Hof a haci den e caso aki. Solamente por des-
via di esaki, ora cu visiblemente e decision di bodemprocedure ta

robes y esaki no t’e caso, segun Hof.

Pues e decision ta mescos, e nombramento di e miembronan nobo
di e Hunta di Supervision tabata ilegal, pasobra no tabatin vaca-

tura. Y no tabatin vacatura pasobra e retiro di e miembronan di
e Hunta tabata ilegal. Cu perdida di un otro caso, usando termo-

logia di baseball, 3 strike bo ta out.