Page 36 - AVP

pasa e bishita di un Minister di regimen Maduro na Curaçao como representante di
PDVSA, a causa hopi conmocion.

E siman aki un veredicto den Corte na Merca ta rechasa e formula di Hulanda y a

sostene e formula di Constitucion Mericano, cu ta haci cu na Merca Guaidó ta e unico
autoridad pa companianan di estado Venezolano.

E caso Crystallex ta sumamente importante den henter e situacion cu a desaroya na

Venezuela, caminda e poder practico te ainda ta den man di Nicolas Maduro, cu ta
ocupa e funcionnan oficial di e pais. Di otro banda, mundo liber pues un cantidad
creciente di paisnan, no ta acepta Maduro pero Juan Guaidó como Presidente Interino
constitucional di Venezuela.

Pa Reino Hulandes e situacion aki tin un caracter di dobel personalidad estatal. Corte
Mericano a bari esaki for di mesa den e caso cu e compania minero Crystallex a inicia y
a gana den Corte pa asina haya poder pa pone beslag riba Citgo como propiedad di

Venezuela.

Hues na Merca a mustra cu den casonan excepcional no por considera cu companianan
di estado di un pais tin nan propio personalidad huridico. Na Venezuela ta conoci cu ta

estado Venezolano ta dicidi pa Citgo y cu esaki ta duna Crystallex tur derecho pa actua.

Hues a rechasa e apelacion di gobierno Venezolano dirigi pa Nicolas Maduro na 2018
tempo ainda Maduro tabata presidente a base di eleccion acepta pa mundo liber. For di

Januari 2019 e situacion a cambia.

E veredicto di Hues na Delaware e siman aki pues ta entrega e autoridad pa PDVSA y
tur su companianan manera Citgo actua na Juan Guaidó a base di e Constitucion

Mericano cu ta mustra cu ta e Presidente cu Merca acepta pa decreto Presidencial, ta
Presidente.

Esaki no solamente ta nifica cu Maduro lo perde su caso pa haya poder di Citgo cerca

Corte Mericano atrobe, pero e ta nifica tambe cu Corte Mericano no ta di acuerdo cu
Reino Hulandes, cu ta reconoce Guaidó como Presidente constitucional pero na mes
momento pa motibonan practico ta atende cu regimen Maduro.