Page 52 - MIN JUS 31 DEC 2016

Nos tabata tey presente na warda di Playa, caminda cu nos tabata hunto cu Inspector Primera Clase Eric
Ras. E ta encarga cu seccion di area di Playa pa loke ta surveillance

y a papia cun'e pa motibo di e control cu lo bay tin riba dia 31 di December. Esaki ta un recordatorio pa
esnan cu tin pensa di subi caya riba e dia aki pa haci bochincha.

Ras a splica cu tur cos ta cla y na ordo y kier laga nan voz resona cu dia 31 di December, polis lo bay actua
pa esnan cu no lo comporta nan mes cu ley.

Enfoke

Semper a focus riba area di misa, pero e hendenan aki ta move di un area pa otro depende unda e
actividadnan ta. Segun Ras, nan no lo bay concentra solamente den area di misa, pero henter districto ri
Oranjestad, pasobra riba e dia aki lo ta uno hopi druk cu tiramento di vuurwerk aki aya y e hendenan ta
move di un luga pa otro. Pero di parti di Cuerpo Policial, districtro 1 y e otronan, ta cla.
Suficiente polis

Ras a splica cu tin suficiente personal. El a agrega cu lo bay actua riba e hendenan cu ta bao di influencia
di alcohol. Ora cu gara un of dos, esey caba lo manda un señal eyfo pa e hendenan cuminsa move di e
sitio y lo no percura pa haci mas desordo of trece bida di hende na peliger.
Confiscamento di vehiculo

Ras a comenta cu Polis lo confisca e bromernan riba caya si comete un infraccion y te despues di januari
lo hay'e. Tambe lo wak e grado di alcohol den rosea, cu ta hunga un rol pasobra por perde e rijbewijs pa e
motibo ey.

Team Mobiele Eenheid
Team Mobiele Eenheid no lo wordo uza. Pero den casonan extremo e lo wordo uza. Pero no ta e
intencion pa uzanan. Den Playa polis ta basta activo. Un biaha mas polis lo tey na cualkier momento si
algo presenta y tin suficiente luga pa cera hende. Si bo no kier pasa bo fin di aña den un cel, comportabo.
Laga e mensahe aki ta un advertencia. Cuerpo Policial no mester wordo mira como esun cu ta bay spanta
hende y haci cos. Loke kier ta pa e pueblo eyfo pasa un fin di aña trankil. Tur hende den harmonia cu
otro. Alcohol dimas ta trece influencianan negativo. Ta trece discordia den pueblo y por trece hasta
accidente cu por causa bida di hende.
Comentarionan (0)

http://www.24ora.com/index.php?option=com_content&view=article&id=117148:mensahe-bon-cla-di-
polis-pa-e-dianan-di-cambio-di-ana-polis-lo-actua-pa-esnan-cu-no-lo-compora-nan-mes-cu-
ley&catid=1:local&Itemid=5

Persona ta kima su mes para na stove den cushina na su cas