Page 4 - HOSPITAAL

Drs. Jerry Staring: Despues di 30 aña Inspectie
Volkgezondheid Aruba ta un realidad

Tuesday, 17 January 2017 13:27
Comparti

Durante e seminario di Inspectie Volksgezondheid Aruba (IVA), teni den fin di siman e departamento
nobo di inspeccion di salud a cubri dos topico cardinal pa pa loke ta cuido di salud na Aruba. Pa drs.
Jerry Staring, director nobo na DESPA (Departamento di Salud Publico Aruba) esaki ta un proyecto cu
tin 30 aña na caminda y awor porfin e ta un realidad.

“Manera tur hende por a tende desde 1 di januari 2017 e tareanan di Inspectie cu antes tabata cay bao di
DESPA a bira un realidad ora cu a institui e organo nobo. Awor e tareanan aki lo bay cay bao di IVA cu lo
mester eherce e tareanan di observa, conseha y controla tur loke ta pasando den cuido di salud riba e
isla,” e ta splica. El a sigui bisa cu awe a invita e sector di cuido di Aruba pa bini hunto y elabora mas riba
e contenido di e topiconan calidad y seguridad. “Nos tin un inspecteur di Hulanda cu ta responsabel pa
islanan BES y un representante di Inspectie di Sint Maarten cu ta duna e storia con nan ta andando pa
introduci eficiencia y independencia di e Inspectie na Sint Maarten,” el a agrega. Un grupo hopi
grandi di profesional ta ocupa na e momento aki pa yuda pensa hunto dunando nan opinion y
dunando apoyo pa e prome pasonan cu IVA ta tumando bao di encargo como Inspector General y di otro
banda tambe ta un momento na unda e Inspector General ta cera conoci cu e sector y mustra nan kico
e plannan ta pa Aruba y con e ta bay ta hinca den otro. Asina ta un acercamento di tur dos banda,” e ta
conlcui.