Page 5 - KPA

Entre otro riba grandinan na San Nicolas: Husticia

ta resolve ocho atraco pisa

14 hours ago 0 430 Views
Bao guia di Ministerio Publico, Cuerpo Policial di Aruba a soluciona e luna aki ocho atraco arma
grandi.
Ta trata di e atraconan arma na november y december aña pasa y na januari ultimo riba La
Estrella, riba Gemstones Jewelers, riba cas di e doño di Lekker Bar en Restaurant, y riba un
trahador di SandBar Beach Bar. Den e casonan aki tin nuebe sospechoso den detencion, bao di
cual Arubianonan y Venezolanonan. E sospechosonan en cuestion a wordo deteni na december y
januari. E sospecho ta cu e grupo, cu tabata encabeza pa personanan biba na Aruba, a actua den
combinacion cada biaha diferente.
Banda di esey, KPA, bao guia di Ministerio Publico, a soluciona cuatro atraco extremadamente
violento na San Nicolas riba personanan di edad halto. Den e atraconan aki, cu a tuma lugar na
januari, un pareha grandi y dos cabayero a wordo ataca den nan casnan, y un grandi a wordo
ataca riba caya. A usa violencia bruto. Den e casonan aki tin cuatro persona den detencion, tur
Arubianonan hoben di entre 17 y 19 aña di edad.
E investigacionnan ta ainda andando. Mas detencion, particularmente pa loke ta e grupo
Arubiano/Venezolano, no ta wordo exclui.
Menor di edad a menasa di tira y mata, pareha

nobo di su ex chick

18 hours ago 0 6,976 Views
Savaneta – Dialuna anochi den careda di 9:30 polisnan ta wordo gestop altura di veld di San
Luis.
Aki nan un hoben ta para polisnan y a splicanan di un caso serio cu ta pasando.
Ela splicanan cu dos otro hoben a menase cu morto y cu nan lo tin un arma di candela cu nan.
E hoben cu a para e patruya tawata den compania di un damita cu lo ta su chick.
Origen di e problema
E damita cu ta menor di edad a kibra relacion cu un di e dos hobennan y e ex lo no por biba cu e
idea cu e damita tin un guy nobo. Ey ta caminda cu jaloersheid a tuma over y ela busca un arma
di candela cu a resulta di ta un pistool di aire pa menasa e guy nobo cu morto.
Polis mes ora a detene e dosnan cu a bay menasa e guy nobo y transporta nan pa warda. E Nissan
March tambe a wordo hiba warda, mirando cu ta trata di menor di edad y nan no tin rijbewijs.
Mester bisa si cu mester tuma e caso aki hopi na serio, pa un hoben menor di edad hinka algo di
e magnitud aki den su cabes, ta sumamente peligroso.
Na e sitio por a wak e damita cu su guy nobo poco spanta brasa cu otro. Polis a bay cu nan tambe
warda pa asina tuma datos y avisa mayornan di e dos nan deteni pa menasa di morto