Page 19 - AWEMAINTA
P. 19
Diamars, 21 Mei 2019 AWEMainta 19
Tata y amigo a keda deteni,
Despues cu a busca problema na
cas di amigo di su yiu muher
DIADOMINGO den oranan di madruga
Polis a bay un adres situa na Sero Janchi,
caminda lo tin problema y hende herida. E
problema a cuminsa momento cu un tata lo
a haya falta di su yiu muher na cas, esaki ta-
bata den oranan di madruga.
Aki ta caminda cu e tata a rabia y aparente-
mente lo tabata sa unda e yiu muher ta, esta
cerca un guy na Sero Janchi. Segun nos a
compronde e guy aki no ta bon mira cerca e
tata.
Na yegada di e tata na Sero Janchi, cos a bay
for di man. Eynan problema a start unda e
tata a pasa su man dor di glas, heridando su
mes seriamente.
N’e sitio dos persona a wordo deteni, e tata
y a guy. Den transportwagen tabatin basta
sanger debi cu e tata su herida tabata sangra.
Na warda e guy tambe a cuminsa keha cu e
tin glas den su wowo. Ambos na final mester
a haya tratamento medico pa nan herida.
