Page 43 - MIN SOC

24 AWEMainta Diamars, 17 Januari 2017

ARUBA DOET:

Organisacionnan social y

boluntarionan ATENCION!

FALTA mas o menos dos luna so mas pa ARUBA DOET 2017
(diabierna 10 y diasabra 11 di maart 2017)! Ya caba tin varios
trabou y actividad registra. Tambe tin varios boluntario cu a in-
scribi caba pa duna un man!

Organisacion Social
Scol, fundacion, club di deporte, centro di bario, instancia di
cuido, grupo di scouting, grupo di bario tene na cuenta cu bo tin
oportunidad te cu dia 23 di januari 2017 pa registra un trabou
of actividad pa ARUBA DOET 2017 y yena un peticion pa haya
un contribucion financiero pa por completa esaki.
Haci uzo di e oportunidad aki pa completa un trabou of actividad
grandi y riba dj’e recluta boluntario nobo pa bo organisacion.
Registra awor pa ARUBA DOET 2017: www.arubadoet.com.

Boluntario
Pa por completa tur e trabounan durante e dianan di ARUBA
DOET nos lo tin mester di ayudo di hopi boluntario. Ya caba
como boluntario bo por inscribi pa duna un man na e trabou di
bo gusto. Participa como boluntario individual of den grupo di
famia, amigo, colega etc. jong y oud!

Bishita nos website www.arubadoet.com y tira un bista riba tur
e trabounan cu tini te cu awo. Den transcurso di siman lo tin
mucho mas. Inscribi pa yuda un scol pinta weganan riba speelp-
laats, bay lama cu un grupo di 60 plussers of yuda drecha cancha
di basketball di un club di deporte.

Si tin cualkier pregunta of mester di yudansa, semper por tuma
contacto cu e team di ARUBA DOET na 5827666 of manda un
mail na info.arubadoet@gmail.com. Nos ta on, abo tambe?!