Page 74 - MIN SOC

Minister Paul Croes ta

confirma cu ta continua

cu #Stopawo den 2017

Published on January 16, 2017 in Local
ORANJESTAD, Aruba

Minister Paul Croes a anuncia e siman aki cu e campaña di conscientisacion #Stopawo
contra abuso di mucha lo wordo reactiva den e lunanan nos dilanti. Na 2014 e campaña
aki a resulta uno hopi exitoso unda hopi persona a participa. Reaccion di comunidad
tabata hopi grandi mes y riba medionan social e reaccion tabata uno hopi positivo.

Un idea cu Minister di Asuntonan Social y Hubentud a bini cune pa asina pone luz y
crea mas conscientisacion den nos comunidad contra abuso di mucha. Den apenas
algun siman e pagina riba Facebook a haya masha hopi “views” y a kibra record di e
cantidad.

“E campaña di prevencion y di conscientisacion contra abuso di mucha #Stopawo
tabata uno hopi importante como cu e ta un forma pa kibra taboo riba e topico aki.
Comunidad a reacciona den un forma positivo na e campaña di consientisacion aki y
nos lo reactiva esaki den e forma aki den 2017”, asina Minister Paul Croes a anuncia.