Page 8 - ARUBA BANK

Empresarionan Hoben A Comparti Nan Experiencia

Na E Hobennan

 Local
- 14/07/2019

E prome siman di Good4theNeigborhood (G4N) 2019 a termina, unda cu tur hoben a
ricibi diferente informacion riba e tipico di entrepreneurship. Diferente invitado a
presenta y comparti nan experiencia y expertisio como empresarionan hoben cu a logra
tin nan propio negoshi. Cada un invitado a splica di su propio experiencia y con el a logra
su metanan.

Aruba Bank su obhetivo primario di G4N building entrepreneurs ta pa duna hobennan e
guia y e ‘tools’ pa asina nan tambe por bira doño di nan propio negoshi y sigui cultiva e
comunidad di Aruba.

Na comienso a tene e programa di introduccion 2019 y Aruba Bank a splica e hobennan
kico tur nan lo haya durante G4N 2019. A duna diferente richtlijn cu e hobennan por uza
pa bin cu ideanan di negoshi. Nan a haci actividad pa conoce otro y forma e ekiponan. Y
despues durante e siman nan a haya e diferente lecturanan. Nan a haya hopi tips cu nan
por a splica di biaha pa e prome presentacion cu nan a haci na e huradonan.

A introduci e Business Model Canvas na e hobennan, kendenan a haci diferente pregrunta
riba e topico aki. E gruponan mester a bin cu nan propio nomber di negoshi pa asina traha
un plan cu tur informacion ricibi.