Page 8 - ARUBA BANK

Posted on 06/9/2019 6:25 pm AST | Updated on 06/9/2019 6:33 pm AST

ORANJESTAD – Si tin un cos cu bishitantenan di e di 4 E-Aruba Business Seminar
a keda cune den fin di siman, ta cu esun cu kere cu social media ta un instrumento
solamente social y no pa negoshi, tin cu pensa un biaha mas. Den un sala
completamente yen, 4 orador internacional hunto cu dos local, a testigua cu
plataformanan manera Facebook, Instagram, Linkedin y Twitter awendia no ta un
‘luho’ mas of algo pa ‘hubentud so’, sino cu esun cu no actua awor, chens ta grandi
cu su sobrevivencia no ta halto den e mundo commercial moderno awendia.

ARUBA

E oradornan local Diederik Kemmerling y Ivy Laclé for di comienso a establece e
realildad duro cu cifras, pa mustra cu e cantidad local di hende cu ta activo riba e 4
plataformanan menciona ta inmenso y impresionante. Riba 80 mil hende local ta riba
Facebook, y mas di 40.000 ta riba instagram, pa no menciona e otronan mes. A tira cifra
den laira pa tur hende compronde con serio e asunto ta, localmente y asina a ‘set the
stage’ pa tur cu ainda tin duda, tende di e oradornan internacional, kico localmente bo ta
‘perdiendo’ si bo no subi riba e trein tecnologico y yega na e grupo grandi di usuarionan
local cu ya caba ta trafica riba e plataformanan menciona. Manera e representante
corporativo di Mc Donalds, Natalia Pelaez a bisa, ‘Bo tin cu bay unda cu e hendenan aki
ta. Probecha di e facilidad. Nan no ta bin cerca bo. Abo tin cu bay unda cu nan ta”. Otro
orador, presentador di television conoci Jess Todtfeld a mustra con facil ta pa proyecta bo
mes y bo producto riba e mercado tecnologico, usando e aparato cu bo ta carga tur den bo
saco, esta bo telefon cellular. E representante di Google Maciej Szczepaniak a introduci
nos na varios format, y cifra pa duna nos di conoce cu tur informacion ta riba internet, y
ta solamente un cuestion di sa unda y con pa busca, y lo bo haye. A siña tur hende con y
kico ta e formanan mas facil y practico pa yega na esaki. Y e ex representante di
Youtube, Sania Shelton, den un forma mas personal, a mustra cu awe, cu si bo no usa
video pa propaganda bo producto, bo ta keda atras. Pues na tur, hopi informacion cu a
keda atras cu esnan presente, cu sigur tin un miho bista di loke por y tin na nan alcansa, si
nan kier usa tecnologia pa haci e diferencia den nan negoshi.

.