Page 31 - KPA

Policial

NOTICIA DI POLIS :
HABITANTENAN DI CAS NA
SAFIR A MIRA
MOVECIONNAN
SOSPECHOSO DEN
VECINDARIO

2 MINS
POST VIEWS: 76

ORANJESTAD,Aruba

Diadomingo, pa mas of menos 8’or y 5 di anochi, Central a manda patruya pa Safir, caminda cu
desconocinan lo tabata hortando. Segun e testigo cu ta un bisiña, e tabata paden di su cas y a scucha e
alarma di e bisiña. Ora cu el a sali pafo, el a mira un hoben di color bruin, bisti cu un tshirt blanco y
un carson cortico, para banda di un auto shinishi cu luz na su saconan y despues a drenta den e auto.
Despues e chofer a saca e auto duro bai direccion zuid. El a mira cu ta trata di un Sedan, 4 porta, cu
glasnan cla di e modelo Kia, pero no por a bisa e modelo ni tampoco no por a mira e plachi di
number. A controla e cas, caminda cu a constata cu e bentana di camber banda pariba di e cas, a
wordo forsa y habri. A papia cu e denunciante, e homber P, kende a declara cu esaki no ta prome
biaha cu nan a drenta e cas. P. tambe a declara cu el a laga e cas pa mas of menos 6’or y 40 di atardi
y pa mas of menos 7’or y 47, su bisiña a pone na altura cu su alarma di cas a bay on. E testigo a
declara cu e alarma a bay on pa mas of menos 7’or y 42 di anochi. P. a controla full e cas y no sigur
si e desconocinan a bay cu algo. Polis a controla full e cas, pero sin resultado. Central a wordo poni
na altura. Departamento tecnico lo wordo poni na altura via Central, den cuadro cu investigacion
forensico.

Policial