Page 51 - MIN ECEM

⨪

Trabaonan grandi lo bay sosode riba e Highrise Strip pero tin

cu wak prome con esaki lo bay sosode

Wednesday, 21 December 2016 21:19
Comparti

Dilanti di Hotelnan Highrise, esta Irausquin Boulevard, ta un caso caminda cu tin’e den mente caba.
Esey lo bay forma parti di e Linear Park cu tin cu sigui bay direccion Arashi.
Akinan tin trabaonan grandi cu tin cu sosode. Tin problema di drenahe di awa den e area aki. Ta
trahando un plan grandi cu ta core for di Holiday Inn te cu Riu Antillas pa por colecta e awa y hib’e den
saliña. Esey kiermen cu tin trabaonan grandi cu tin cu bay sosode otro aña cu lo ta kibrando e caminda
full, hinca tuberia den dje, pone tur e sistema di drenahe pa asina e awa por bay den saliña y despues
ehecuta e plan pa embeyece e caminda aki. Intencion ta bay reduci e hanchura di e caminda un tiki, crea
mas espacio publico, crea mas parking na maneranan mas structura, pone mas mata, mehora e parti
estetica caminda cu por upgrad’e.
E situacion ta basta fastioso, segun Croes. Tin cu bay haci un trabao grandi prome di tira e tuberianan
bao di tera, dus ta bay kibra e caminda, tin cu bay wak bao di ki manera e tin cu sosode, ki ora,
conhuntamente cu e hoteleronan. Lo bay acerca AHATA den e caso aki como stakeholder, hunto cu polis
pa por traha un bon plan, pa e caretera, ki ora e tin cu sosode, pa asina por baha e molester den e area aki
pa e trafico cu ta trafica e area aki. Ta dificil pa scoge un ora pa traha, e operador di hotel mester por
dicidi cual lo ta e miho ora pa traha. E area den dia, anochi, marduga, hopi biaha ta hopi congestiona.
Fondo

Fuera di e camindanan cu DOW ta planificando pa bay traha riba nan, manera esun ariba menciona riba
e highrise strip, DOW tin un fondo di reserva cu ora cu tin hende sufri daño na su fondo, e tin e derecho
pa entrega un claim y tin un comision ta bay evalua e peticion di e claim aki y ta wak circunstancianan,
rapport di polis y a base di esey ta otorga e claim of ta rechasa e claim cu a wordo haci. Ta purba di haci’e
na un manera mas obhetivo posibel y tambe e temporada. Tambe ti algun discusion cu a sosode, pero ta e
manera pa procede pa yuda aloca e dañonan cu ta haya cu infrastructura, caminda cu ta evalua
obhetivamente pa e ciudadano haya su placa bek.