Page 18 - AWEMAINTA

18 AWEMainta Diahuebs, 27 December 2018

Prome containernan di klapchi a sali pa

nan destino durante mey anochi

PERSONAL di DOW, Brandweer y Polis

tabata den accion, pasobra nan ta bezig ta

monitor e salida di e containernan di klapchi.
Nan a cuminsa hopi tempran. Mey anochi,

dia 27 di december, e prome containernan a
cuminsa sali.

Rubin Ponson, experto di explosivo di DOW

a comenta cu e preparacionnan madruga, load
e containernan, pone nan riba chasis y grupo

grupo bay e diferente destinacionnan cu tin.

CONTAINERNAN

Di e 21 containernan cu a wordo importa, nan

a wordo reparti na Wela den mas of menos 50
container cu lo tin cu sali riba dia 27. Te awor-

aki tin un cantidad di 8 pa 10 container cu a
sali bay caba. Asina e lo sigui durante henter

ora di madruga, sacando nan poco poco y cu

salida di solo, nan por ta cla cu nan.

SETUP
En principio ta wak ki direccion nan ta cay. Si

nan ta bay Noord, Santa Cruz, Playa of San

Nicolas y asina ta pone nan hunto y cu e guia
di Polis, nan lo wordo transporta pa nan des-

tino.

Antes nan tabata saca e klapchinan den dia.
Ya prome cu Pasco caba e klapchinan tabata

na nan sitionan di benta.

Pa motibo di seguridad a cuminsa haci e tra-
baonan riba Wela mes. A cuminsa saca nan pa

4’or di madruga. Pero a ripara cu entre 4’or
di madruga y 7’or of 8’or di mainta, un gran

cantidad ta wordo saca y djeynan e trabaonan

ta cuminsa pega hopi debi n’e trafico cu tin.
Esey a duna e idea pa cuminsa tempran.

Den oranan di madruga tin menos trafico y e

trabaonan ta bay mas liher. Asina tin chens cu

prome cu solo sali y trafico cuminsa bira pisa,
ya mayoria di e containernan ta na nan lugar

caba.