Page 24 - AWEMAINTA

24 Corsou AWEMainta Diahuebs, 27 December 2018

Morto den tráfico na Corsou

Nos colega Stanley Ignacio a perde su yiu muher

WILLEMSTAD – Tabata diamars dia

25 di decèmber, Pasco mainta, alrededor di

07.13’or, Central di Polis a ricibí informa-
cion di un accidente di tráfico ku a tuma

lugar riba Winston Churchillweg.

Na yegada di e promé unidad, a bin topa un
vehíkulo (auto di famia) cu a dal frontal con-

tra di un poste di hero cant’i caminda cu ta

indica direccion y e chofer un dama tabata
den un situacion hopi critico.

Na yegada di personal di ambulance, esaki a

constatá cu e víctima no tabata duna señal

di bida. Dòkter di Polis cu a yega n’e sitio a
constatá morto di e dama chofer, Marvetty

Altagracia Ignacio, nacé na Còrsou dia 15
sèptèmber 1995 (23 aña).

For di investigacion preliminar a resultá cu

chofer di e vehículo ariba mencioná tabata
core riba Winston Churchillweg den direc-

cion di Sta. Maria y pa un motibo cu ta den

investigacion a baha for di caminda na banda
drechi y bay dal den e poste cu e consecuen-

cia ariba mencioná.

A consecuensia di e múltiple heridanan cu e
chofer a sufri, el a bin fayecé n’e sitio di ac-

cidente. Personal di tráfiko ta continuá cu e
investigacion.

Mas despues nos a ser informa cu e victima
ta yiu muher di e conocido fotografo di EX-

TRA, Stanley Ignacio na kende nos ta manda
nos mas sincero condolencia.