Page 41 - ATA

como presidente di Parlamento a tuma nota cu ta un acuerdo di un
embergadura asina grandi, siendo cu parlamento mes no tabata na altura di
dje.
Su persona a manda un carta pa e minister concerni di e tempo ey, Sr. Mike de
Meza, y a pidi’e pa e entrega e documentonan na Parlamento pa asina nan haya
studia esaki y naturalmente, duna opinion como parlamento riba e contract. E
motibo pa cual a vota pe, Sra. Lopez – Tromp, for di juni 2016 te ora cu a trata
e acuerdo aki den parlamento na september 2016, den e periodo aki no tabata
tin e transparencia cu tabata necesario pa un deal di e embergadura aki, cu
consecuencia sigur pa pais Aruba. Den e periodo cu a pasa ey, no solamente ex
minister de Meza a nenga di duna e documentonan aki na parlamento prome cu
e deal wordo cera, unda cu e la bisa cu e ta prefera pa no haci esey, pa tene e
negociacionnan aki cu nan tabata tene, entre nan, y pa despues bin parlamento,
locual den parecer di Sra. Lopez- Tromp, no tabata corecto.
Tambe mirando e situacion cu tabata sumamente intransparente. Ora cu porfin
nan a manda e documentonan aki, ta den biblioteca di Parlamento esaki a
sosode, bou supervision di algun coordinador. No tabata tin niun tipo di
transparencia. Mas aleu, Sra. Lopez – Tromp a sigui bisa cu e tempo ey e
situacion na Venezuela tabata birando pio, situacionnan tumando luga. Tambe
tabata tin e situacion caminda cu esunnan cu tabata den e proyecto aki envolvi,
duda ariba nan y awo a resulta cu un cantidad di nan a bay cera caba, cu tabata
envolvi den e deal aki. Y pa no papia mes cu e gobierno di e tempo ey, di AVP,
tabata tin un maneho bisando cu nan ta promove sostenibilidad, un Aruba
Green, pro Medio Ambiente, y diripiente a bin apertura di refineria. Tabata tin
un situacion financiero hopi dificil, y e tempo ey kier a tapa e buraco den
presupuesto, unda cu supuestamente lo habri un refineria, y cu lo trece entrada
aden. E ora ey, esey lo por wordo poni den presupuesto como sifuera cu ta
placa cu ta bay drenta. Aworaki, tres aña despues, no tabata tin niun apertura.
Ya caba a pasa 3 aña y es mas, recientemente, Prome Minister tabata na Merca,
unda cu el a duna un presentacion na parlamento di Aruba, unda cu el a splica
cu el a haya un baño di awa friu, ora cu el a haya sa, cu nunca tabata e
intencion di habri e refineria, pasobra cu Citgo nunca lo (a) pidi licencia na e
instancia concerni, e Office of ORES control, pa rehabilita of haci un reapertura
di e refineria. Al contrario, a pidi pa ‘unwind’ e, dus, pa no sigui mas cun’e.
Esaki ta informacionnan hopi clave, cu ta mustra cu e intencion no ta di e
reapertura, y esunnan concerni. Gobierno ta haya su mes den un situacion,
unda cu practicamente bo ta rehen di un contract, unda cu mester tene bo mes
na cierto proceduranan di ley, unda cu e contract ta valido. Pa loke ta e parti di
salud cu ta importante, tres aña pasa tambe el a trece dilanti, cu’n reapertura di
e refineria no ta dje tempo aki mas. E tabata tin su tempo, pero awo tin otro
desaroyo, otro vision, no solamente pa San Nicolas, pero pa henter Aruba.
Realidad ta cu na e momento aki, e no ta bay habri. Corectamente, Prome
Minister a trece opcionnan dilanti, pa cuminsa pensa ariba un futuro pa Aruba
sin refineria, y cu ta habri otro posibilidadnan pa Aruba, cu tres opcion, unda cu
un di nan ta reapertura, cual ta pinta scur. Un di dos ta pa sigui den un
reapertura pero no cu Citgo. Y awo tur hende sa cu ta mara na un contract